Aratohu aromatawai me te tuku piro a Te Tahua Whakakaha a Te Pūnaha Hihiko: Vision Mātauranga 2025
Ka arotakea tō marohitanga ki ngā tūtohi tuku piro.
On this page
Read this page in English
Assessment and scoring guide Te Pūnaha Hihiko: Vision Mātauranga Capability Fund 2025
E aro ana te Tahua ki te Kairangitanga me te Pānga nui, mā te haumi ki te whanaketanga o te tangata me ngā rōpū whai pūkenga, raukaha hoki ki te whakawhanake i ngā hōtaka rangahau kounga nui e hāngai ana ki te whakatinana i te Kaupapahere Vision Mātauranga.
Ko tā ngā kaiaromatawai he whai whakaaro ki te āhua o te whakatau a te marohitanga i ēnei pātai.
Kairangi
Mā te haumi a te Tahua e āwhina i te pūnaha pūtaiao, auaha me te hangarau ki te whakawhanake, te pupuri me te poapoa i ngā tāngata pūkenga nui, te whakawhanake i te tangata me ngā rōpū, kia whai hua ai rātou i ngā mātauranga hou, te whakapiki i ngā pūkenga whai pānga ki te kawenga o ngā rangahau a Vision Mātauranga.
Te Whanaketanga Tangata, ngā Hononga me ngā Pūkenga
(25% te taumaha)
Pātai Matua: He aha te whānuitanga o te aranga ake, me te toitūtanga pea o ngā pūkenga, te mātau, ngā whatunga, ngā hononga me ngā arawātea rangahau tauroa i te kaupapa e marohitia ana?
I te wā e aromatawaitia ana tēnei pātai, ka whai whakaaro ngā kaiaromatawai:
- Mēnā ka whakapikihia e te kaupapa te mātau rangahau pūtaiao, ngā whatunga me ngā hononga. Hei tauira, te hanganga o tētahi rangapūtanga hou i waenga i te whakahaere Māori me te whakahaere Rangahau?
- Menā ka kawea e tō marohitanga ngā mahi ki tua o ngā 'mahi o ia rā' mō ngā rōpū e whai wāhi ana?
- He aha te whānui o te whakawhanake nui a te kaupapa i i te mātau me te pūkenga o te hunga e whai wāhi ana?
- Mēnā ka puta he kaupapa mahi ngātahi tauroa i te rangapūtanga nei?
| 1 | (Kounga iti) Kore Kāore i rawaka Kāore i hāngai Kāore he mōhiohio E ngaro ana |
Kāore he mōhiohio hāngai i whakaratoa ki te marohitanga Hei tauira, kāore te marohitanga e whakatakoto i ngā mahere ki te whakawhanake i ngā pūkenga, i te mātau rānei. |
| 2 | He pōrehurehu Kāore i mārama Kāore pea e taea ana He kārangirangi He iti noa te whaitake |
He rehurehu, kāore he taunakitanga rānei o ngā mōhiohio o te marohitanga. Hei tauira, he rehurehu, he huakore pea ngā mahere ki te whakawhanake pūkenga. |
| 3 | E herea ana Mōkito -e pai ana Ngākaurua Kāore i nui ngā taipitopito |
Kei roto ētahi kōrero pai, engari he nui ngā āpure, ā, kāore he āmiki. Hei tauira, kua whakatakotoria he mahere ki te whakawhanake pūkenga engari he pāhekeheke ngā kōrero mō te whaihua. |
| 4 | E pai ana I rawaka E hāngai ana |
He pakari ngā mōhiohio kua whakaratoa, engari he wāhi anō kei reira hei whakangako haere e hiki ake ai te marohitanga. Hei tauira, he āhua pai ngā mahere ki te whakawhanake pūkenga. |
| 5 | He whai tikanga He mārama He taurea He taumata teitei He pakari |
He mārama, he tukupoto ngā mōhiohio, i puta ai he marohitanga pakari me ngā taunakitanga hāngai. Hei tauira, he rawe te whakatakotoranga o ngā mahere ki te whakawhanake pūkenga, otirā he pakari. |
| 6 | He tūturu He mauroa He whaihua He aroā He pakari He tautōhito |
He nui ngā kōrero i whakaratoa, otirā e tautokona ana e ngā taunakitanga hāngai, whaitake hoki. Hei tauira, kāore he māharahara mō te whanaketanga o ngā pūkenga, otirā he torowhānui ngā mahere. |
| 7 | (Kounga teitei) Kairangi He tauira kairangi He nui ngā taipitopito He manea |
He tauira pai tēnei marohitanga, he kairangi, he torowhānui, he rawe ngā whakamārama me ngā āmiki katoa. Hei tauira, he kairangi ngā pūkenga ka whakawhanakehia, ā, ka hua he panoni nui. |
Te Raukaha o ngā Kawenga Mahi
(25% te taumaha)
Pātai Matua: He aha te nui o te tūpono whakatutukitanga o ngā putanga e marohitia ana e tō kaupapa?
I te wā e aromatawaitia ana tēnei pātai, ka whai whakaaro ngā kaiaromatawai:
- E whai ana te rōpū i te mana whakaae tika ki te whakahaere i tēnei mahi?
- Kei te whai ngā hunga whai wāhi me te hōtaka mahi i ngā rauemi tika, me te tautoko hoki, tae atu ki ngā whakaritenga ā-whakahaere, whakaruruhau me te tautoko?
- Ka tutuki i te mahere o te hōtaka mahi e marohitia ana ngā putanga e takunetia ana me te whanaketanga o te āheinga?
- He aha te pānga o te kounga, te tautōhito me ngā pūkenga o te rōpū ki ngā kaupapa o te hōtaka mahi kua marohitia?
- Kua tautohua, kua whakamaurutia hoki ngā wero ki te kaupapa?
| 1 | (Kounga iti) Kore Kāore i rawaka Kāore i hāngai Kāore he mōhiohio E ngaro ana |
Kāore he mōhiohio hāngai i whakaratoa. Hei tauira, kāore he mōhiohio mō te hōtaka mahi. Kāore i tautohua, i whakamaurutia rānei ngā wero nui o te kaupapa. |
| 2 | He pōrehurehu Kāore i mārama Kāore pea e taea ana He kārangirangi He iti noa te whaitake |
He rehurehu, kāore he taunakitanga rānei o ngā mōhiohio. Hei tauira, kei te ngaro ētahi taipitopito o te hōtaka mahi, he rehurehu rānei. Tērā ētahi wero ki te kaupapa kāore i tautohua, i whakamaurutia rānei. |
| 3 | E herea ana Te pae mōkito rawa Ngākaurua Kāore i nui ngā taipitopito |
Kei roto ētahi kōrero pai, engari he nui ngā āpure, ā, kāore he āmiki. Hei tauira, e kitea ana ētahi taipitopito o te hōtaka mahi. He āhua pāhekeheke ētahi o ngā wero me ngā whakamaurutanga. |
| 4 | Ka whakaaetia E pai ana I rawaka E hāngai ana |
He pakari ngā mōhiohio kua whakaratoa, engari he wāhi anō kei reira hei whakangako haere. Hei tauira, he rawaka ngā taipitopito hōtaka mahi engari me whakarato anō ētahi atu whakamārama. E pai ana te tautohu i ngā wero me te whakamaurutanga. |
| 5 | He whai tikanga He mārama He taurea He taumata teitei He pakari |
He mārama, he tukupoto ngā mōhiohio, me ngā taunakitanga hāngai. Hei tauira, he pai te whanaketanga o te hōtaka mahi. He mārama te tautohu i ngā wero nui me ngā whakamaurutanga. |
| 6 | He tūturu He mauroa He whaihua He aroā He pakari He tautōhito |
He nui ngā kōrero i whakaratoa, otirā e tautokona ana e ngā taunakitanga hāngai, whaitake hoki. Hei tauira, he torowhānui te mahere o te kaupapa otirā he rawe te whakamauru i ngā wero. |
| 7 | (Kounga nui) Kairangi He tauira kairangi He nui ngā taipitopito He manea |
He tauira kairangi otirā he nui ngā taipitopito. Hei tauira, he mīharo te hōtaka mahi, kāore e kore ka tutuki ngā putanga e takunetia ana. He kairangi te tautohu i ngā wero me te whakamaurutanga. |
Te Pānga
E rapu pānga ana te Tahua i ngā hōtaka mahi e tūhura ana i ngā huarahi e whai hua ai te tangata, te whānau, ngā hapori Māori me ngā whakahaere Māori i te rangahau, te whanaketanga me te whakatinanatanga o te mahi pūtaiao.
Ngā Putanga a Vision Mātauranga
(25% te taumaha)
Pātai Matua: He aha te whānuitanga o te tautoko a te kaupapa i te kaupapahere o Vision Mātauranga me te tautoko i te huakitanga o te pitomata pūtaiao, te auaha me te hangarau o te mātauranga Māori, ngā rauemi me ngā tāngata, e whai hua ai a Aotearoa?
I te wā e aromatawaitia ana tēnei pātai, ka whai whakaaro ngā kaiaromatawai:
- E hāngai ana ngā hua e matapaetia ana ki ngā wawata o te whakahaere Māori?
- Ka whanaketia te āheinga me te hautūtanga o ngā kairangahau Māori?
- Ka tuarihia ngā putanga o te kaupapa ki ngā rōpū Māori whai wāhi, whānui rānei?
- Ka pēhea te whakatau a tō marohitanga i ngā kaupapa a Vision Mātauranga i tīpakohia?
- Ka whakawhanake, ka tuku hoki te kaupapa nei i ngā mahi auaha e akiaki ana i ngā whakahaere Māori me te hapori rangahau pūtaiao kia whaitake te whai wāhi e puta ai ngā hua ki Aotearoa?
| 1 | (Kounga iti) Kore Kāore i rawaka Kāore i hāngai Kāore he mōhiohio E ngaro ana |
Kāore he mōhiohio hāngai i whakaratoa ki te marohitanga Hei tauira, kāore i rawaka ngā mōhiohio ki te aromatawai i te whaihua, kāore rānei e puta i te kaupapa ngā putanga a Vision Mātauranga. |
| 2 | He pōrehurehu Kāore i mārama Kāore pea e taea ana He kārangirangi He iti noa te whaitake |
He rehurehu, kāore he taunakitanga rānei o ngā mōhiohio o te marohitanga. Hei tauira, kāore pea e puta i te hōtaka mahi ngā putanga a Vision Mātauranga. |
| 3 | E herea ana Te pae mōkito rawa Ngākaurua Kāore i nui ngā taipitopito |
Kei roto ētahi kōrero pai, engari he nui ngā āpure, ā, kāore he āmiki. Hei tauira, he whāiti pea ngā putanga a Vision Mātauranga ka puta i te hōtaka mahi. |
| 4 | E whakaaetia ana E pai ana I rawaka E hāngai ana |
He pakari ngā mōhiohio kua whakaratoa, engari he wāhi anō kei reira hei whakangako haere e hiki ake ai te marohitanga. Hei tauira, he āhua pai ngā putanga a Vision Mātauranga ka puta i te hōtaka mahi. |
| 5 | He whai tikanga He mārama He taurea He taumata teitei He pakari |
He mārama, he tukupoto ngā mōhiohio, i puta ai he marohitanga pakari me ngā taunakitanga hāngai. Hei tauira, he mārama ngā putanga a Vision Mātauranga ka puta i te hōtaka mahi. |
| 6 | He tūturu He mauroa He whaihua He torowhānui He pakari He tautōhito |
He torowhānui ngā mōhiohio i whakaratoa. Ka puta pea he pānga tauroa i te marohitanga, ā, e tautokona ana e ngā taunakitanga hāngai, whaitake hoki. Hei tauira, tūturu ka puta i te hōtaka mahi ngā putanga a Vision Mātauranga. |
| 7 | (Kounga nui) Kairangi He tauira kairangi He nui ngā taipitopito He manea |
He kairangi ngā mōhiohio i whakaratoa, otirā he marohitanga tauira kairangi tēnei. He nui te manawanui/ tūturutanga ka angitu tēnei marohitanga ki te kawe i āna putanga. Hei tauira, ka puta ngā putanga kairangi a Vision Mātauranga i te hōtaka mahi nei, otirā he nui, ā, ka noho hei panonitanga nui. |
Ngā hua ki te Pūtaiao, te Auahatanga me te Hangarau
(25% te taumaha)
Pātai Matua: Ka pēhea e whai hua ai te rāngai pūtaiao, auaha me te hangarau (SI&T) i te pikinga mātau, raukaha, pūkenga me ngā whatunga, otirā he aha ngā tūpono pānga o te kaupapa i muri o te kirimana?
I te wā e aromatawai ana i tēnei pātai, ka whai whakaaro ngā kaiaromatawai ki:
- He aha te āhua o te pikinga o ngā pūkenga, te mātau, te raukaha me ngā whatunga i tēnei kaupapa i waenga i te Māori me te pūnaha pūtaiao, auaha me te hangarau ki te kawe hua ki Aotearoa?
- Ka whakamahi anō tō kaupapa i ngā rangahau kua utua kētia?
- ka whakapiki anō tō kaupapa i te mārama ki te āhua o te whai wāhi a te pūtaiao, te auaha me te hangarau ki ngā wawata o ngā whakahaere Māori?
- Ka tautohu, ka tautoko anō hoki te kaupapa i ngā arawātea anamata ki te whakauru ki te mahi pūtaiao, auaha me te hangarau e hāngai ana ki ngā Putanga a Vision Mātauranga?
- Ka whakaahua anō te marohitanga i ngā pānga tauroa e matapaetia ana i tēnei rangahau?, arā 1, 2, 5, tau i muri i te kirimana?
| 1 | (Kounga iti) Kore Kāore i rawaka Kāore i hāngai Kāore he mōhiohio E ngaro ana |
Kāore he mōhiohio hāngai i whakaratoa. Hei tauira, he iti rawa ngā mōhiohio i whakaratoa, kāore rānei he hua ki te SI&T. |
| 2 | He pōrehurehu Kāore i mārama Kāore pea e taea ana He kārangirangi He iti noa te whaitake |
He rehurehu, kāore he taunakitanga rānei o ngā mōhiohio. Hei tauira, he rehurehu, he hua kore rānei ngā hua ki te SI&T. |
| 3 | E herea ana Mōkito -e pai ana Ngākaurua Kāore i nui ngā taipitopito |
Kei roto ētahi kōrero pai, engari he nui ngā āpure, ā, kāore he āmiki. Hei tauira, he pāhekeheke, he whāiti rānei ngā hua ki te SI&T. |
| 4 | E pai ana I rawaka E hāngai ana |
He pakari ngā mōhiohio kua whakaratoa, engari he wāhi anō kei reira hei whakangako haere e hiki ake ai te marohitanga. Hei tauira, he pai ngā hua ki te SI&T. |
| 5 | He whai tikanga He mārama He taurea He taumata teitei He pakari |
He mārama, he tukupoto ngā mōhiohio, i puta ai he marohitanga pakari me ngā taunakitanga hāngai. Hei tauira, he pai ngā hua ki te SI&T. |
| 6 | He tūturu He mauroa He whaihua He aroā He pakari He tautōhito |
He torowhānui ngā mōhiohio i whakaratoa. Ka kawea pea e te marohitanga ētahi pānga tauroa, ā, e tautokona ana e ngā taunakitanga hāngai, whaitake hoki. Hei tauira, he tūturu ngā hua ki te SI&T, ā, ka tauroa. |
| 7 | (Kounga nui) Kairangi He tauira kairangi He nui ngā taipitopito He manea |
He kairangi ngā mōhiohio i whakaratoa, otirā he marohitanga tauira kairangi tēnei. He nui te manawanui/ tūturutanga ka angitu tēnei marohitanga ki te kawe i āna putanga. Hei tauira, he kairangi ngā hua ki te SI&T, ā, ka hua ake he panoni nui. |
Last updated: 26 August 2024